飽 =?

"unhungry"??

day B

姍：你今日day幾呀？
明：我今日“day B”！
姐：你日日都 “day B”架啦！

新發明

專利申請中！！
由姐b、豆漿及Mathew聯合研製 –
納米水晶IQ麻雀 (Nano Crystal IQ Mahjong)！

斷背心

由本店專用模特兒潮爆男、肥Tam及Ben少示範最新「斷背LOOK」

神童軒作句精選

搜集 　標本

我搜集了很多牛肉，把它們標本出來。

是日騎呢問題兩條

石頭爆出黎駛唔駛攞出世紙？

着羽絨怕唔怕禽流感？

公函實例示範 － 給消委會的投訴信２

逕啟者：

　就本人日前投訴強記之事件，有以下補充。
　為免再生磨擦，本人母親已向強記表示剩餘訂報日將會由她親身前往領取，無須再派報。惟今晨(3月13日)當本人仍在睡覺之際，有人不斷按響門鈴將本人吵醒；開門後見該店店員站於門外，並用非對惡劣之態度表示：「喂！你地今日有人攞左報紙啦喎！」言下之意要我將她剛放到本人鐵閘內之報紙(仍舊放在地上)交還。本人交還後她更給本人一個非常不滿的表情，一聲不響地離去。
　此等行為，已有騷擾成份。望　貴會可為本人處理此事件　為荷。

　　此致
消費者委員會

　　　　　　　　　　　　　　　　　　　　　　姐姐ｂ　謹啟

二○○六年三月十三日

公函實例示範 － 給消委會的投訴信1

逕啓者：
　本人參加了《明報》的訂閱計劃，每日由本人居住屋苑(屯門兆康苑)內唯一書報攤「強記」送報至本人居所。本月9日早上，本人因見該店識員將報紙放於地上，有礙衞生，遂即場向該店員投訴。該店員回答：「個個都係咁架啦！」本人見該店員態度惡劣，遂表示將來不會再光顧該店。
　翌日(3月10日)，本人發現該店並無送報，本人母親遂向該店查詢，店員表示報紙己送往本宅，可能被人盜取，要本人向《明報》申請補發。惟本人母親於11日親身到該店取報時，就此事再向另一店員查詢，回答卻是：「你地話以後唔幫襯丫嘛，咁咪唔派俾你囉！」及「我地無錢賺架！」明顯地該店於10日並無派報，藉此報復被責之憤；本人訂閲期乃至本月20日止，如本人不親身取報，看來該店並不打算派發剩餘日數之報紙。
　該店此等「報復」行為，除令人氣結，亦令本人蒙受損失；此種經營手法着實令人震驚。望　貴會可為本人討回公道，並可阻止此事於另一消費者身上重演。謝謝。
　　此致
消費者委員會
　　　　　　　　　　　　　　　　　　　　　　　姐姐ｂ　謹啟
　　　　　　　　　　　　　　　　　　　　　　（當然我會用真名）
二○○六年三月十二日

神童軒作句精選

亭亭玉立

如果世上有亭亭玉立的女子，就好了。

潮爆男語錄

男：我下年要入精英班！
彤：精英班冇靚女架喎！
男：(唏噓地)算啦，我「求學不是求靚女」……

姐姐b補品店一週年誌慶之 校園雙屍(絲)奇案

繼上年3月「補品店見鬼事件」後，姐姐b補品店一週年誌慶鉅獻 --

校園雙屍(絲)奇案

(姍姍正在講述她有關「校園命案」的英文作文)
姍：…我話呢，咁校長坐係library個角落度睇書，咁呀Miss So呢就行過去，校長就即刻收埋本書係後面，塊面變左白色……

姐：吓，塊面變左白色？咁恐怖既……

姍：跟住本書攞返出黎之後就唔見左一頁……然後校長就走左，Miss So就跟住佢……去到校長室，咁校長就話呢……「你係咪想知我既秘密丫？咁你就跟我黎啦」……跟住佢地就去左library，校長就攞把菜刀出黎……

姐：點解唔係去家政室既？係library點解會有菜刀？唔通佢隨身攜帶？

姍：係呀，我寫錯左……

姐：……我知啦，校長睇果本係烹飪書……佢攞把菜刀出黎，對Miss So話：「我其實一直研究緊刀法，我撕走果一頁攞左返屋企研究……(然後仲攞條青瓜出黎)拿，我示範俾你睇啦！」然後就即場表演切青瓜既刀法……

姍：跟住呢，我話Miss So又攞把菜刀出黎……

姐：咁佢地就互相切磋切青瓜既技巧，但係唔知點解要係library……

姍：跟住呢，我唔夠時間作丫嘛，咁我就話十年之後有人係library發現兩條屍……

姐：係呀，兩條青瓜「絲」……佢地先比賽先切塊，再切片，然後切絲……有兩條彈埋左一邊……

琪：彈左上個櫃度……

姐：冇錯，十年後有人係個櫃度發現呢兩條「絲」，深入調查後發現校長同Miss So曾經係度切磋刀法……