傑作貼堂-___-;

是日套餐推介

A餐 -- 新社規：唔准用兩隻中指篤住塊面面扮可愛！

B餐 -- 朗朗心聲：別再做籃球，做個波做個橙不做籃球，做個橙或至少(邊個諗到就駁去啦)……

C餐 -- 聽聞有人約潮爆男去游水，而潮爆男為左吸引旁人視線，顛倒一眾女生，聲稱會着「雞蛋超人」泳褲赴約，仲會show出佢啲「小丸子」同「比加超」紋身……

D餐 -- 「唐老鴨點蚊香」？

本週時間表25/4~30/4

收聲

男：……我唔鍾意收山，我淨係鍾意收聲既唧！
姐：係？你鍾意收聲？咁就真係奇聞啦！
男：咩唧，我都係講一兩句之嘛……
姐：每秒一兩句下嘛？

mark大個口得個窿

鹹濕
姐b正打開一盒「優之良品佛手果」
朗：姐b你食鹹濕野呀？
姐：係呀，我一向都唔鹹濕，所以要補充呢方面既營養……

Elaine
姐：(正在問中史)趙高殺左秦二世，立左邊個做秦王？
朗：子嬰！
琪：吓？Elaine？
姐：係呀！當時啲人好in，已經有洋名……不過因為佢地對西方既認識唔多，所以男人用錯左個女人名！

張良計
姐：……正所謂「你有張良計，我有過牆梯！」
琪：吓？邊個叫做過牆梯呀？
姐：(暈倒，三秒後清醒)唔係呀，即係你有張良既計策，我有過牆梯咁解呀！
琪：……咁即係邊個係過牆梯呀？
姐：-____-;;

mark大個口得個窿
彤：……佢mark擘大個口得個窿呀！
Ming：咁mark大個口如果冇窿又恐怖啲……
姐：咁佢可能食緊叉燒包呢……
肥Tam：咁都唔會冇窿個喎，點吞呀？
姐：唔係喎，如果mark大口唔只得一個窿，咁仲恐怖喎……

是日推介

康盈：好攰呀，今日我地第一堂學游水！
朗：第一堂應該係學浮呀可？
康盈：唔係呀，係學沉呀！

18/4~23/4時間表

金雞銀雞

軒：姐姐呀，你知唔金雞銀雞係咩雞呀？
姐：(立即答)十蚊雞！
軒：點解你知既？
姐：呢度一日咁多無聊人出入，大把人問過我啦！你太遲啦！

多得各位同學長期訓練，姐b已經成為無聊IQ題的專家，百毒不侵，有問必答！

人類

朗：姐姐呀，今日miss問我係香港公園會見到咩animal，我答people，佢話我錯喎……
姐：-___-;; 咁……其實又唔可以完全話你錯既，可能果度個管理處搵住個管理員，出面有個牌寫住「人類」……

本週時間表11/4~16/4

姐b就黎發神經

九個中一學生，早排幾乎人人都溫中文問答，唔係海濱仲夏夜就係風雪中的北平；呢幾日就幾乎全部人都溫中史，個個都係問西漢王莾東漢，仲要每人唔只問過一次，姐b足足溫左呢堆野十幾廿次！姐b就黎發神經啦！你地啲地理呀、科學呀果啲唔駛溫既咩？=___=;;

神童軒傑作實錄

(中文功課)
問：怎樣才是一個有禮貌的小客人？
答：見人要打。(漏了「招呼」兩字！)

醒下啦

一個二個，放假放到懵晒，唔係記錯時間就直頭唔記得要黎……醒下啦！就黎測驗啦！

本週時間表4/4~9/4

好眼瞓 very sleepy

是日推介
姐：你咪刺激我呀，我唔夠瞓呀！
康b：我都唔夠瞓呀……
姐：咁你唔好刺激我等我要刺激你啦！

April Fool's Day 愚人節

朝早果班冇人整蠱姐b，姐b都冇整蠱你地，因為大家都好眼瞓zzzzzzzzzz
又話者其實改做朝早上堂已經係幾大整蠱...... 唔好意思囉, 姐b聽日有事嘛......

Today's Special 是日推介
Wing: 我個背脊好眼瞓呀！
(由此可見，佢真係好眼訓！)

琪：「砌機」英文係咩？
豆漿：fighting computer囉！

雞蛋超人

大家唔好再問白板上面果隻野邊個畫架啦...之唔係又係潮爆男囉...
雞蛋超人...唔知係鹹蛋超人個阿哥定細佬呢?

更新本週時間表

這星期的時間表真是「改到七彩」，再放上來一次比較好。