Action Blue Sky

近日進行得如火如荼的 "藍天行勳"

Giant covalent structure

姐姐b的傑作 - 鑽石的 '巨型共價結構', 有人話考試會考喎......

咁都得 ? _ ?

瑩：啲塗改液未乾呀！等我用紙巾印乾佢先寫啦……

俊：星期四係咩日子呀？
姐：佛誕囉！
俊：係咪如來神掌……呀唔係，係咪如來…er…如來神掌……呀唔係，如來佛祖誕呀？

姐：Who is Donald Tsang?
俊：He is the second 'Cheap' Executive.

俊：其實果個小太空人計劃係做咩架？
姐：畀你去學下體驗下太空人生活囉，睇下你有冇潛質囉！
俊：有潛質果啲係咪送去美國修練呀？
姐：「修練」？係呀，當你練到第十層果陣就可以上太空架啦！

Who did this?

點解中三既學生都會做啲咁既野呢下...?

(為保障受害人私穩, 畫面經過特別處理)

Romantic

史詩式浪漫愛情劇「大明豬與小翡(肥？)翠」
詳情請向陳小明查詢。

佢又作句啦

每次神童軒有作句功課，都會出現類似以下對話：

連綿
他連綿地吃了十碗美味的豆腐花。

姐：「連綿」唔係形容動作架，係話啲野一個跟住一個咁丫嘛！
軒：(皺晒眉，非常不願意做改正) 咦~~ 咁咩一個跟一個呀？魚蛋呀？
姐：你咪寫囉，啲功課係你既……(NAHAHA按：寫「很多連綿不斷的魚蛋，破了世界紀錄。」囉！)
軒：咁唔係有咩喎！
姐：好多野都得啦，例如塞車果陣啲車龍咪連綿不斷咁囉！
軒：咁點寫呀？……因為爆水管……呀唔係，姐姐，「爆屎渠」點寫呀？
姐：……
(如果合乎文法，原則上我不會干涉他的創作自由，不過……)

爛 gag

張：咩係爛gag呀？
馬：你將個gag擺落去攪爛佢，咁咪有一個爛gag囉……
眾：嘩~ 果然係一個好爛既爛gag！

天王易幟

姐：北伐最後點結束架？
S：張作霖係返東北途中畀日本人炸死……
姐：唔，跟住邊個投降？
S：佢個仔……張學友！

(-____- 用「張學良」同「張學友」黎開玩笑我聽得多，但係認真咁答錯既就真係第一次！)