Today's set meals 是日套餐

A餐 陳x明激死人事件簿
(正在改正地理卷)
姐b：香港既商業中心區除左尖沙咀之外仲有邊度？
明：吓…唔知喎…
姐b：好多寫字樓果度呢…
明：大嶼山呀？
姐b：乜大嶼山好多寫字樓既咩？
明：我知！維港！
姐b：…(幾乎暈低) 啲寫字樓响個維港上面浮下浮下咁呀？
明：咁即係邊度呀？
姐b：中環呀！
(十五分鐘後)
姐b：好，呢題頭先講過啦，商業用地，尖沙咀之外仲有邊度呀？
明：吓…係咪大埔呀？
……「砰」的一聲，姐b終於倒地。

B餐 潮爆男男語錄
Timothy：嘩，今日我地突然數學小測呀，嚇死我啦！
男：之前冇講俾你地聽架咩？
姐b：話明係「突然」測驗喎…
男：唔係架，我地會係手冊寫話聽日突擊測驗架喎！
眾人：吓……？

(廚房水滾時)
男：李太，你係「阿拉神丁」嘛，捽下個煲咪得囉…
姐B：「阿拉神丁」？？？
男：呀唔係呀，係阿拉丁神燈呀……