開張啦

說在前面
(為免有啲人會睇唔明，我用廣東話黎寫)
因為好耐好耐之前已經不停有人表示想補習社有個網頁，而姐姐b我對呢家野一來唔係好熟，二來冇咁得閒，所以响呢度開個日記版用住先。大家等返三五七年，我都應該可能或者有機會睇下會唔會整返個網頁既……信我啦！
大家可以係呢度留言，不過係要申請戶口先既(如果可以順便培養到大家寫日記既習慣就更好啦)，戶口係免費既，而且開左都唔代表你一定要寫日記，唔駛咁驚(我冇咁得閒去check你，不過你想我睇你日記既話當然非常歡迎)。至於申請方法，哈哈，大家跟住指示做囉，唔明就查字典(姐姐b的人肉字典機服務這裡恕不適用)，唔想查？咁咪唔好留言囉，到時你俾人鬧又冇得反駁果陣唔好向我求救……
仲有，我未必日日都開呢度黎睇，唔想俾我鬧既話，唔該唔好係呢度留言請假或者問功課……
最後，留言最好用真名，或至少都用個人地明你係邊個既名；留言既時候檢點啲，唔好口粗粗或人身攻擊，否則我係可以刪除留言或者唔俾你留言！知道冇？

姐姐B